Ai gjithashtu do të vizitojë statunë e Richard Holbrooke.

Sipas një njoftimi të Ambasadës, USAID-i, përmes Programit për të Drejtat Pronësore, angazhohet në aktivitete për të ndryshuar qëndrimet dhe sjelljet shoqërore dhe për të adresuar çështjet e të drejtave pronësore në nivelin kombëtar dhe atë lokal.

Aktivitetet në këtë fushë adresojnë çështje që kanë rëndësi të madhe shoqërore, juridike, dhe ekonomike për Kosovën, duke përfshirë sfidat me të cilat ballafaqohen femrat gjatë sigurimit të pronësisë mbi pasurinë e paluajtshme dhe shfrytëzimit të saj si dhe informalitetin në sektorin e trojeve.