Argjentina e mposhti Bosnje e Hercegovinën 2:1, në kuadër të Grupit F të Botërorit. Lionel Messi me shokë u përkrahën nga shumë tifozë, që kishin udhëtuar nga Argjentina për ta përcjellë ekipin e tyre të zemrës.

Por, jo të gjithë tifozët e patën nderin dhe kënaqësinë ta shijonin atmosferën e krijuar në stadiumin Maracana.

Kjo pasi pati prej tyre që mbetën pa bileta. “Kemi nevojë për bileta”, shkruante në parullën e një tifozeje, i cili kërkonte biletë për të blerë.

Shpresojmë që në fund e ka gjetur ndonjë biletë, edhe pse në tregun e zi, ato shiten për shuma marramendëse parash.