Arabia Saudite është një shtet ku kushtetuta e vetme është e bazuar në Kuran, prandaj nëse njerëzit kanë probleme me ligjin është sepse kanë shkelur ndonjë rregull të shkruar në Kuran.

Sidoqoftë, kjo është lista që lajmi.net e sjell për ju, të gjërave që ju nuk lejoheni ti bëni në Arabinë Saudite:

1) Filmat pornografik
Të kesh filma pornografik në celularin, tabletin apo kompjuterin tuaj mund të të shkaktoj probleme shumë serioze në Arabinë Saudite.

Edhe ilustrimet e veshjeve të ndryshme të njerëzve, e sidomos femrave, janë të ndaluara.

2) Të fotografosh ndërtesat
Nëse mendoni se ju kur shkoni në pushime jeni të lejuar të fotografoni gjatë gjithë kohës, ju jeni shumë gabim.

Fotografimi i ndërtesave qeveritare, bazave ushtarake dhe pallateve është i ndaluar.

Gjithashtu ju nuk duhet të fotografoni njerëzit vendas pa lejen e tyre dhe asesi mos e drejtoni kamerën kah femrat.

3) Ngrënia e bukës, pirja e ujit apo lëngjeve si dhe pirja e duhanit në publik janë të ndaluara

Ramazani është muaji i 9-të i kalendarit Islamik dhe kjo do të thotë se duhet të agjërosh për 4 javë.

Prandaj është e ndaluar të hash, të pish ndonjë gjë, përfshirë edhe duhan, gjatë muajit të Ramazanit.

4) Sandwich-at me virshlle
Në Arabinë Saudite është e ndaluar importimi i produkteve të derrit, prandaj të bësh ushqime që përfshijnë mish të derrit është e ndaluar.

5) Është e ndaluar të vishesh me të kuqe në ditën e Shën Valentinit
Është raportuar se dyqanet e luleve dhe të dhuratave janë të ndaluara të shesin trëndafila të kuq, apo ndonjë produkt me formë të zemrës në ditën e Shën Valentinit.

Thuhet se kjo ‘festë’ nuk është një festë islamike dhe mund ti devijojë njerëzit.

6) Të shkosh në kinema

Nëse dëshironi të shikoni filmin e fundit të James Bond apo çfarëdo filmi, atëherë kjo është e ndaluar.

Thuhet se shikimi i filmave në kinema mund të shpijë që çiftet martesore të kenë probleme me vete për shkak të skenave të ndryshme, prandaj edhe është ndaluar.

7) Të mësosh ndonjë instrument në shkollë
Piano gjithmonë duket bukur në CV-në e ndonjërit.

Por, ligjëratat muzikore janë të ndaluara në forume publike dhe prandaj nëse ju mësoni, ju do të keni probleme serioze…

8) Të shkosh në fitnes nëse je femër
Nëse brengoseni se jeni mbipeshë atëherë ju duhet të improvizoni diçka në shtëpi pasi që fitneset private janë të ndaluara për femrat.

9) Të vozitësh nëse je femër
Nëse dëshiron të shkosh diku, ju patjetër që duhet të thërrisni një taksi ose të ju dërgoj burri juaj pasi që është e ndaluar për femrat të vozisin.

Kjo për shkak se besohet se femrat nëse vozisin do të dalin nga shtëpia më shpesh dhe pa nevojë.

10) Është e ndaluar të pini gjatë udhëtimit për në Arabi

Mos shkoni në Arabinë Saudite nën ndikimin e alkoolit dhe asesi mos pini në aeroplan.

Dënimet për posedimin apo tregtimin e alkoolit janë aq të rrepta sa rezultojnë me burgim./Lajmi.net