Zyrtare: Llapi nënshkruan me Andi Qorrin
Skuadra e Llapit ka arritur ta transferojë nga Feronikeli mesfushorin qendror Andi Qorri.
Sport
Lajmin e bëri të ditur vetë klubi përmes një postimi në rrjetin social, Facebook.
Qorri u mor me parametra zero, pasi ishte në ditët e fundit të kontratës me skuadrën nga Drenasi.
Gjatë sezonit që lamë pas, Qorri luajti në 34 ndeshje ku realizoi 6 gola.
Më poshtë gjendet njoftimi i plotë i Llapit:
Mirësevjen ARDI QORRI
Mesfushori Ardi Qorri, pjesë e Feronikelit për 12 vite, ka bërë hapin e radhës në karrierë duke firmosur kontratë profesionale me skuadrën tonë për 5 vitet e ardhshme.
Ardi në edicionin e fundit u paraqit në 34 ndeshje për Feronikelin duke arritur të realizoj 6 gola e 1 asistim dhe e veçanta e golave të tij ishin golat e bukur nga largësia apo nga goditjet e dënimit.
21 vjeçari theksoi se pa u menduar dy herë zgjodhi ta pranoj Llapin si një klub që u jep hapësirë të rinjëve dhe se puna me trajnerin Batatina do ta shtyj atë ta jap më të mirën nga vetja që t’i tregoj vlerat.
Ardi u nda i kënaqur me kushtet e ofruara nga klubi dhe pasi firmosi kontratën, do t’i bashkohet grupit të lojtarëve në përgatitjet për garat evropiane që do t’i zhvillojmë në Strugë. /Lajmi.net/
