Inspektorati Teknik Shtetëror dhe Industrial reagoi në lidhje me shkaqet e rënies së zjarrit paraditen e sotme në një restorant në plazhin e Velipojës.

ISHTI sqaron se pronari i resortit ka instaluar fshehurazi depozitën e gazit nën tokë, pa u pajisur me leje dhe për rrjedhojë edhe pa respektuar kushtet teknike të sigurisë.

Kërkohet ndihma e Policisë së Shtetit, për shkeljet ligjore të konsumuara nga subjekti privat por edhe të tjerë biznese të cilët shkelin ligjin në përdorimin e gazit për gatim.

ISHTI ka bërë kallëzim penal edhe ndaj subjektit në Velipojë.

Kallëzimi është bërë për instalimin pa leje të pajisjes.