Mbrojtësi i Chelseat, Kalidou Koulibaly, zbuloi pse vendosi të përfaqësojë Senegalin në nivel ndërkombëtar në vend të Francës.

Qendërmbrojtësi lindi dhe u rrit në Francë, por kishte të drejtë të luante për kombin afrikan sepse prindërit e tij janë nga atje.

Ai vendosi të kalojë në Senegal për shkak të dëshirës së vendit për ta thirrur dhe nuk është penduar kurrë për vendimin e tij.

“Ishte një zgjedhje e madhe, e madhe, sepse mund të kisha luajtur me kombëtaren franceze, por në moshën 23 apo 24 vjeç vendosa të luaja për Senegalin, sepse ata më prisnin”, tha ai për faqen e internetit të Chelseat, transmeton lajmi.net.

“Unë fola me trajnerin, ai më dha motivim të mirë dhe arsye të mira për të ardhur, dhe fola edhe me familjen time. Njerëzit më të rëndësishëm ishin prindërit e mi – ata më thanë se duhet të bëj atë që dua, por kur i thashë ata që doja të luaja për kombëtaren e Senegalit, pashë dritën në sytë e tyre dhe e dija se ishte një zgjedhje e mirë.

“Kur mbërrita dhe pashë lojtarët e tjerë, ishte sikur të ishin familja ime, sepse të gjithë ishim mësuar të hanim të njëjtat gjëra në shtëpi, të flisnim të njëjtën gjuhë në shtëpi, kështu që për mua ishte sikur të isha në shtëpi! Thashë me vete: “Pse nuk kam ardhur më parë, ata janë si vëllezërit e mi”, përfundoi ai.

Kujtojmë se Senegali ndodhen në grupi A, së bashku me Ekuadorin, Holandën dhe Katarin, për Kupën e Botës, Katar 2022./Lajmi.net/