War Room ka arritur të mbledhë më së shumti të holla, duke lënë pas historinë e N.W.A ‘Straight Outta Compton‘ pas kryesimit për tri javë.

‘War Room’, historia që ka të bëjë me besimin ka marrë kryesimin në javën e dytë të shfaqjes, në një vikend që ka dalë të jetë shumë i dobët në Boxoffice, duke marrë 9.3 milionë dollarë, transmeton lajmi.net.

Premierat e kësaj jave, ‘A walk in the woods‘ dhe ‘The Transporter Refueled‘ nuk kanë mundur ta mposhtin filmin e suksesshëm ‘Straight Outta Compton’, i cili ka fituar 8.7 milionë $, mjaftueshëm për të mbetur në pozitën e dytë.

Në anën tjetër, Jurassic World ka kaluar fitimet prej 1 miliard dollarëve në gjithë botën, duke u bërë filmi i katërt ndonjëherë që ka arritur këtë, pas Titanic, Avatar dhe hitin e këtij viti, Furious 7./Lajmi.net