Ai tha se Scholz këtë e kërkoi në mënyrë të vendosur, teksa shtoi se diskutuan për situatën politike në botë.

“Ne diskutuam situatën politike në botë dhe Scholz i kërkoi Serbisë në një mënyrë shumë të vendosur, të qartë dhe të mprehtë që t’i bashkohet sanksioneve kundër Rusisë, domethënë të mbështesë masat kufizuese që BE-ja tashmë ka miratuar kundër Rusisë”, është shprehur Vuçiq, raporton Tanjug.

Tutje, ai tha se do ta bëjnë maksimumin për përparim në dialogun Kosovë – Serbi nën kujdesin e Brukselit, teksa tha se askush në Evropë s’ka folur ndonjëherë për njohje reciproke.

“Askush në Evropë nuk ka folur ndonjëherë për njohjen reciproke të Serbisë dhe Kosovës. Këtë e dëgjuam për herë të parë sot në një konferencë shtypi në Prishtinë, është një surprizë e madhe për ne”, tha Vuçiq.