Morgan Sanson shquhet si njëri nga mesfushorët më të mirë në Ligue 1, dhe javën e fundit spekulohej se Aston Villa kishte siguruar shërbimet e tij por që nuk kisthe asgjë zyrtare, transmeton lajmi.net.

Marseille e humbi ndeshjen ndaj Monacos, në ndeshje nuk u paraqit Sanson, dhe gazetarët pyetën teknikun portugez për mungesën e tij.

“Sanson nuk kishte ndërmend të luante, pasi klubi vendosi ta linte të shkonte. E pyeta Morganin nëse e kishte mendjen për të luajtur. Ai tha ‘Zotëri, kjo është e vështirë për mua'”, tha ai.

“Kështu që i thashë se po e lija jashtë ndeshjes. Dhe pastaj ai u largua nga grumbullimi i ekipit dhe klubi e lejoi atë të largohej për në Aston Villa”, shtoi ai.

Sanson do të transferohet në Aston Villa për një shumë prej 18 milionë euro./Lajmi.net/

Morgan Sanson va bien rejoindre Aston Villa, comme l’a confirmé André Villas-Boas ce samedi soir

— RMC Sport (@RMCsport) January 23, 2021