Sipas kërkesës së prokurorit special Blerim Isufaj, një kopje të të cilës e posedon gazeta Zëri, pothuajse të gjithë të dyshuarit akuzohen për vepra të ngjashme penale:

– Organizimi dhe pjesëmarrja në grupe terroriste

– Nxitja e urrejtjes përçarëse ose mosdurimi kombëtar, racor, fetar apo etnik

– Rekrutimi për terrorizëm

– Mbajtje në pronësi, kontroll, posedim apo shfrytëzim të paautorizuar të armëve

Mbi këto dyshime prokurori Isufaj ka kërkuar masën e paraburgimit për të gjithë të arrestuarit e një dite më parë.

Kjo kërkesë po shqyrtohet në sallën e improvizuar të kinemasë ABC1 nga palët e pranishme: prokurori, gjykatësi i procedurës paraprake, 40 të dyshuarit dhe mbrojtësit e të gjithë të akuzuarve.

Ndonëse salla e kësaj kinemaje është mjaft e madhe, gazeta nga burime të saj ka kuptuar se ajo është e stërmbushur, ndërsa ka monitirues vendorë e ndërkombëtarë që po qëndrojnë në këmbë.

Duke u bazuar në numrin e madh të të dyshuarve, vendimi nga ana e gjyqtarit të procedurës paraprake ka pak gjasë të merret gjatë ditës së sotme, shkruan Zëri.