Një grua ka vdekur dje derisa po trajtohej në QKUK.

Ajo ishte aksidentuar më 20 gusht në rrugën nacionale Pejë-Prishtinë, saktësisht në fshatin Vragoli.

Trupi i pajetë i viktimës është dërguar në IML për obduksion.

“Fushë Kosovë / 20.08.2025-07:10. Me datën 02.09.2025 viktima femër kosovare, e cila ishte duke u trajtuar në QKUK, ka ndërruar jetë. Viktima ishte aksidentuar me datën e cekur në rrugën nacionale Pejë-Prishtinë. Me vendim të prokurorit, trupi i pajetë i viktimës është dërguar në IML për obduksion”, thuhet në raportin 24 orësh të Policisë së Kosovës. 

Vdekjen e saj mbrëmë e ka konfirmuar edhe shefi i Intensives, Shaqir Uka.

“Fatkeqësisht e lënduara ka vdekur mbrëmë, pasi nuk mundi t’u bëjë ballë plagëve të marra”, tha Uka.