Vazhdojnë protestat kundër VAR-it: Edhe tifozët e Man City me pankarta drejtuar FA

Teknologjia VAR duket se po i irriton shumë tifozët e futbollit në Angli.

Sport

18/01/2020 16:30

VAR ka ditur të jetë vendimtar këtë sezon, por shpeshherë ka pasur edhe vendime kontroverse, kur në çështje milimetrash ka vendosur për anulime të golave.

Tifozët në Premierligë besojnë se VAR-i po i humb futbollit pasionin dhe po vret lojën.

Gjatë xhiros së kaluar, tifozët e Crystal Palace ishin ata që ngritën pankarta kundër VAR, kurse sot, pikërisht në ndeshjen kundër Crystal, janë tifozët e Man City ata që kanë përcjellë një mesazh.

“Prehu në paqe futboll. VAR është këtu. Respektoni tifozët” shkruhej në pankartat e tifozëve të Man City, përcjell lajmi.net.

Ndeshja mes Manchester City dhe Crystal Palace ka filluar në ora 16:00. /Lajmi.net/