Tuchel: Ishte i pamundur nënshkrimi me Haaland, të shohim pas disa javëve
Trajneri i Chelseas, Thomas Tuchel ka bërë me dije që në të ardhmen mund të provojnë nënshkrimin me yllin e Borussia Dortmundit, Thomas Tuchel.
Sport
Norvegjezi është bërë yll botëror te Dortmund duke shënuar 70 gola në 59 paraqitje në të gjitha garat, transmeton lajmi.net.
Chelsea provoi nënshkrimin me Haaland vitin e kaluar, por nuk ishte e mundur, ku pastaj transferuan Romelu Lukaku nga Inter.
Tuchel ka pranuar se kanë biseduar për Haaland, por thjeshtë nuk ishte e mundur, derisa vazhdojnë ta vlerësojnë si mundësi.
“Ne biseduam për Haaland disa herë gjatë afatit veror. Shihej si jo reale dhe e pamundur për t’u realizuar. Sigurisht, ne flasim rregullisht për të”.
Kur u pyet për mundësinë që në sulm të këtë dyshen Haaland dhe Lukaku, Tuchel qeshi pastaj u përgjigj: “Nuk e kam problem të fals për të”.
“Nuk mendoj se ishim shumë afër për ta marrë. Por, të shohim çfarë do ndodh në javët e ardhshme”, deklaroi ai.
Ndërkohë, Haaland ka klauzolë lirimi me vlerë 75 milionë euro, derisa edhe kërkohet nga top gjigantët evropianë./Lajmi.net/