Tregtitë e kriptovalutës në platformën LocalBitcoins ranë me më shumë se një e treta në total, por u rritën në vëllim me gati një çerek në Kili dhe më shumë se dyfishi në Argjentinë, transmeton lajmi.net.

Të dhënat e mbledhura nga botimi i investimeve Invezz zbuluan ndikimin dramatik që ka pasur koronavirusi në tregtimin e bitcoin.

Shifrat anomale nga Amerika e Jugut mund të vijnë si pasojë e efektit të pandemisë në ekonomitë tashmë të paqëndrueshme, sipas David Merry të Invezz.

“Ndikimi që Covid-19 ka pasur në industri është i madh, numrat flasin vetë”, tha ai.

Venezuela në të vërtetë pa një rënie të vogël në tregtimin e bitcoin, megjithatë vëllimet e saj tashmë të larta do të thotë se ajo tani është e dyta vetëm për Rusinë për sa i përket vëllimit të tregtimit.

Ekonomia e vendit ka qenë në rënie të lirë për disa vite, duke u përkeqësuar nga sanksionet ekonomike të vendosura nga Britania e Madhe dhe SHBA.

Që nga 1 qershori i vitit 2020, rreth 20,000 dyqane dhe biznese në vend tani pranojnë pagesa përmes bitcoin dhe kriptovalutave të tjera. /Lajmi.net/