Skuadra e Galatasarayt ka filluar menjëherë të bëjë pazaret për sezonin e ri dhe për garat e UEFA-s.

Trajneri, Okan Buruk ishte i ftuar në një emision të sportit dhe gjatë transmetimit “live” ai i çon mesazh ish-lojtarit të Leicester Cityt, Youri Tielemans, shkruan Lajmi.net

“Eja në Galatasaray”, ishte mesazhi që Buruk e tha “live” në emisionin sportiv turk.

Mesfushori belg e ka mbyllur aventurën me ekipin nga Championshipi i Anglisë, Leicester City dhe pritet që të gjejë një skuadër të re.

Mëqenëse është “lojtar i lirë”, skuadra e Galatasarayt ka shprehur dëshirë për ta transferuar dhe ndoshta është objektivi i tyre kryesor gjatë afatit kalimtar.

Kujtojmë që vikendin e kaluar, skuadra ku luan edhe futbollisti kosovar, Milot Rashica festoi titullin kampion në Superligën e Turqisë./Lajmi.net/

Okan Buruk'tan Youri Tielemans'a "Come to Galatasaray"

🔗https://t.co/pNqXhzU3lx
🔗https://t.co/pNqXhzU3lx pic.twitter.com/3ykgtJbGXh

— Tivibu Spor (@tivibuspor) June 8, 2023