Një thikë e kamufluar si armë është gjetur dhe konfiskuar gjatë kontrollit të çantës së një shtetasi kosovar në Aeroportin Ndërkombëtar të Prishtinës “Adem Jashari”.

Sipas raportit 24-orësh të Policisë së Kosovës, rasti ka ndodhur më 19 tetor, rreth orës 08:50, gjatë kontrollit të një personi që po udhëtonte.

“Gjatë kontrollit, në çantën e të dyshuarit mashkull kosovar, i cili ishte në shkuarje, i është gjetur dhe konfiskuar një thikë e kamufluar në lloj arme”, thuhet në raportin e Policisë.

Me vendim të prokurorit, thika është konfiskuar, ndërsa i dyshuari, pas intervistimit, është liruar dhe rasti do të vazhdojë në procedurë të rregullt. /Lajmi.net/