Nëse ekziston një futbollist për të cilin gjithçka ka shkuar në mënyrë në përkryer kundër Real Madridit në muajt e fundit, ai është Diego Costa.

Sulmuesi i Atletico Madridit luajti rol kryesor në dy derbit e fundit të Madrid, të fituar nga Los Rojiblancos.

Të dyja fitoret erdhën në Santiago Bernabeu dhe sulmuesi realizoi në secilën prej tyre. Data e fitores së parë ishte më 17 maj, dhe do të kujtohet përgjithmonë nga të gjithë tifozët e Atleticos.

Costa u dëshmua vendimtar në triumfin në Copa del Rey ndaj rivalit të përhershëm. Goli i tij e barazoi sfidën duke e dërguar në lojën shtesë ku Miranda shënoi me kokë duke ia siguruar titullin Atleticos.

Më tepër se katër muaj më vonë, më 28 shtator 2013, historia u përsërit. Një gol nga sulmuesi ia shkaktoi Real Madridit humbjen e vetme në Santiago Bernabeu deri më tani gjatë këtij sezoni.

Heroizmi në Copa del Rey u përsërit edhe në këtë ballafaqim, të La ligës. Superioriteti i shfaqur nga skuadra e trajnerit Diego Simeone ishte bindës.

Reali dështoi në krijimin e rasteve duke vuajtur presionin dhe intensitetin e lojës së fqinjit të tyre. Termi intensitet i shkon përshtati Costas, futbollisti kryesor tek Atletico.

Reali pret Atleticon në Bernabeu në duelin e parë gjysmëfinal në Copa del Rey të mërkurën mbrëma.