Portieri i ri i Barcelonës, Marc-Andre Ter Stegen u prezantua sot si përforcim i ri i Barcelonës.

Nga edicioni i ardhshëm, portieri i talentuar gjerman do të jetë bashkëlojtar me sulmuesin Lionel Messi.

Por, Ter Stegen është takuar më parë me yllin argjentinas, në miqësoren e 15 gushtit të vitit 20012 në Frankfurt, mes Gjermanisë dhe Argjentinës, të fituar nga skuadra nga Amerika e Jugut me rezultat 1:3.

Pas rreth gjysmë ore lojë, portieri Ron-Robert Zieler u përjashtua pas një ndërhyrje brenda zonës ndaj Gonzalo Higuain. Gjyqtari e përjashtoi atë dhe në portë u inkuadrua Ter-Stegen. Ai që mori topin për të ekzekutuar penalltinë ishte Messi.

Por, Ter Stegen e priti si ‘mollë’ goditjen e Messit. Në fund, Argjentina fitoi 3:1, dhe Messi e mposhti Ter Stegenin një herë. Ata të dy do të jenë bashkëlojtarë në edicionin e ri.