“Telenovela” Mbappe – lojtari ende nuk ka vendosur për të ardhmën
Kylian Mbappe ka qenë njëri ndër emrat më të përfolur në futboll gjatë kohëve të fundit.
Sport
Ylli francez lidhej me një kalim te Real Madridi gjatë afatit kalimtar të verës, por duket se as vetë lojtari nuk e ka të qartë se ku do të përfundojë.
Sipas Fabrizio Romano, 23-vjeçari ende nuk ka vendosur nëse do të renovojë kontratë me PSG apo do t’u bashkohet “Los Blancos”.
Gjatë ditës së mërkurë u raportua se Mbappe është duke e menduar nënshkrimin e kontratës së propozuar nga parisienët, por në anën tjetër interesimi i “mbretërve” është tundues dhe jo lehtë për t’u refuzuar.
Mbetet të shihet në ditët në vazhdim se çka do të vendosë lojtari në lidhje me të ardhmën e tij. /Lajmi.net/