Kryeministri në detyrë i Kosovës, Albin Kurti ka takuar sot ministrin për Komunitete dhe Kthim njëherit edhe kryetarin e Partisë për Liri, Drejtësi dhe Mbijetesë, Nenad Rashiq.

Ky takim është realizuar në kuadër të konsultimeve për formimin e qeverisë. shkrun lajmi.net.

E po ashtu u takua edhe kryetaren e Partisë së Re Demokratike, Emilija Rexhepi.

Mirëpo këto takime Eugen Cakolli, nga Institutit Demokratik i Kosovës nuk po i sheh si “fort” të këndshme.

Sipas tij takimet konstultative për formimin e një qeverie të re nuk duhet të mbahen në ndërtesën e qeverisë e aq më pak siç thotë ai të lëshohet njoftim zyrtar nga ZKM-ja.

“Kjo nuk është çështje teknike, por një praktikë që zbeh kufirin mes shtetit dhe partisë, dhe që tregon shumë për mënyrën si konceptohet pushteti”, ka shkruar Cakolli.

Tutje ai ka treguar se cilat janë hapërsirat ku mund të mbahen takime të tilla, derisa thotë se një subjekt politik nuk duhet ë shfrytëzojë hapësirat e shtetit për interesa të veta.

“Një subjekt politik që synon të qeverisë vendin duhet të tregojë standarde më të larta – jo të shfrytëzojë hapësirat e shtetit për interesa të veta. Prandaj, takimet konsultative për formimin e qeverisë duhet të mbahen në seli partie ose në ambiente neutrale, e kurrsesi në zyra publike që u përkasin të gjithë qytetarëve”, shkroi Cakolli. /Lajmi.net/