Dy persona, një mashkull kosovar dhe një femër shtetase e Serbisë, janë arrestuar në Shupkovc të Mitrovicës së Jugut, pasi dyshohet se kanë sulmuar fizikisht një person, po ashtu shtetas i Serbisë.

Sipas raportit policor, rasti ka ndodhur më 10 tetor, rreth orës 11:40, ndërsa gjatë sulmit të dyshuarit kanë përdorur edhe sprej.

Pas intervistimit, me vendim të prokurorit, i dyshuari mashkull është dërguar në mbajtje, ndërsa e dyshuara femër është liruar dhe rasti ndaj saj vazhdon në procedurë të rregullt. /Lajmi.net/