Emisari Special i BE-së për dialogun Kosovë-Serbi, Peter Sorensen, ka biseduar sot me kryenegociatorët nga Prishtina dhe Beogradi, Besnik Bislimi dhe Petar Petkoviq.

“Kam biseduar ndaras me dy kryenegociatorët e Kosovës, Besnik Bislimin dhe Serbisë, Petar Petkoviq”, thuhet në njoftimin në llogarinë zyrtare në rrjetet sociale të Përfaqësuesit Special të BE-së për dialogun në platformën “X”.

Spoke separately with the two Chief negotiators of Kosovo @BislimiBesnik and Serbia @PetkovicPetar today. Appreciated the very good conversations and welcomed their invitations to visit Kosovo and Serbia soon.

— EUSR for Belgrade-Pristina Dialogue (@EUSR_Dialogue) February 6, 2025

Sorensen theksoi se i vlerëson bisedat produktive dhe ka mirëpritur ftesat që ka marrë nga kryenegociatorët për të vizituar së shpejti Kosovën dhe Serbinë.

Po ashtu, Emisari i dialogut ka pritur sot në takim edhe shefin e Misionit të EULEX’it në Kosovë, Giovanni Pietro Barbano, për të cilin tha se kanë rënë dakord që të vazhdojnë bashkëpunimin e ngushtë.

“Pata një takim hyrës të mirë me @EulexHoM sot në Bruksel. Jam mirënjohës për informimin e tij mbi punën e @EULEXKosovo. Ramë dakord të bashkëpunojmë ngushtë në përpjekjet tona”, shkroi emisari special i BE’së për dialogun Kosovë-Serbi.

Had a good introductory meeting with @EulexHoM in Brussels today. Grateful for his briefing of @EULEXKosovo work. We agreed to closely cooperate in our efforts. pic.twitter.com/ultz5HcKo0

— EUSR for Belgrade-Pristina Dialogue (@EUSR_Dialogue) February 6, 2025