Yann Sommer së shpejti do zyrtarizohet si lojtari më i ri i Bayern Munich.

Siç konfirmohet nga eksperti i transferimeve, Fabrizio Romano, Bayern Munich ka marrëveshje të plotë me Borussia Monchengladbach për transferimin e Yann Sommer.

Sommer i bashkohet Bayernit në një marrëveshje cila e mban atë në ‘Allianz Arena’ për dy vitet e ardhshme, respektivisht deri në qershor të vitit 2025, përcjell lajmi.net.

Bayerni do të paguajë tetë milionë euro dhe një milionë e gjysmë në formë të bonuseve, siç ishte bërë e ditur më herët nga “Blick”.

Portieri i Kombëtares së Zvicrës, Yann Sommer do t’i nënshtrohet testeve mjekësore dhe më pas do të prezantohet si zëvendësimi i Manuel Neuer./Lajmi.net/