Dibrani thotë se është jolegjitim vendimi për përsëritjen e kuvendit zgjedhor të degës së LDK-së në Zvicër, ngase, sipas tij, vendimi është marrë prej tre personave në kryesinë e LDK-së. Dibrani ka theksuar se ai i përgjigjet vetëm delegatëve të cilët e kanë zgjedhur në Zvicër.

Ai ka theksuar se ka kërkuar takim me Isa Mustafën, por kreu i LDK-së nuk i është përgjigjur kërkesës.

Dibrani pret nga kuvendi zgjedhor i së dielës një reformë, duke theksuar se shpëtimin e LDK-së e sheh te Vjosa Osmani.