Asnjë prind nuk dëshiron që fëmija i tyre të ketë përjashtim nga ajo çfarë mjekët kanë deklaruar.

“Në kemi pasur 90 fëmijë të cilët kanë humbur jetën në Shtetet e Bashkuara të Amerikës, në vetëm disa muaj”- tha Dr Sean O’Leary.

Ndërsa një numër i madh shkollash dhe univeritetesh në të gjithë vendin kanë filluar orët e mësimit, frika midis familjeve është në rritje. Mirëpo pyetja e cila po i mundon të gjithë prindërit është se, a do të jen të sigurt tani fëmijët?

Tashmë ka pasur një rritje prej 90% të numrit të rasteve të infektuara me covid-19 midis fëmijëve në të gjithë SHBA vetëm në katër javët e fundit, sipas të dhënave nga APP.

Në Florida, ku shumica e shkollave publike nuk janë hapur akoma, shtatë fëmijë kanë humbur jetën.

Për shkak se shumica e fëmijëve kanë qëndruar në shtëpi gjatë periudhës së pandemisë në fillim, nuk është për t’u habitur që numri i rasteve të fëmijëve të infektuar ishte i ulët.

“Fëmijët thjesht nuk kanë pasur shumë kontakte me mjedisin e jashtëm”- tha korrespodenti kryesor i mjekësisë për CNN, Dr Sanjay Gupta.

“Ndërsa ne po shohim që fëmijët dita ditës kanë më shumë kontakte me njerëzit jashtë, ne po shohim që numrat po rriten. Dhe ata porriten me një ritëm gjithnjë e më të shpejtë. Kjo është arsyeja pse unë jam i shqetësuar për shkollat”- shtoi ai.

Cilat janë simptomat?

Simptomat e Covid-19 janë të njëjta tek fëmijët sikurse tek të rriturit.

“Nëse shikoni listën e gjatë të simptomave si bllokim, kollë, ethe, humbjen e ndjenjës së aromës, të gjitha këto mund të ndodhin si në të rriturit ashtu edhe në fëmijët” -tha O’Leary.

Shenjat e tjera kryesore përfshijnë vështirësi në frymëmarrje, skuqje, veçanërisht ajo që po përhapet shpejt, mungesë energjie dhe problemet e mbajtjes së një fëmije zgjuar, tha pediatri Dr. Daniel Cohen.