Shtyhet rikthimi i Mike Tyson

Kthimi i Mike Tyson kundër Roy Jones Jr është shtyrë, sipas RingTV.com, përcjell lajmi.net.

Sport

10/08/2020 09:40

Tyson, 54 vjeç, dhe Jones Jr, 51 vjeç, kishin për t’u ndeshur më 12 shtator, por ajo është shtyrë përsëri për 28 nëntor.

Ikona e peshave të rënda Tyson doli në pension 15 vjet më parë, por prapë planifikon të kthehet përsëri në ring.

Komisioni Atletik i Shtetit në Kaliforni, i cili po licencon meçin, më parë i tha Sky Sports: “(CSAC) po licencon ndeshjen Mike Tyson vs Roy Jones Jr të planifikuar të zhvillohet në Los Angeles, si një ndeshje miqësore tetë raunde”.

“Në këtë ndeshje, gjyqtari do të ketë autorizimin për të ndaluar luftën nëse ai kalon jashtë kufijve të një miqësoreje konkurruese të boksit”.

“Z. Tyson dhe Z. Jones Jr do të duhet të paraqesin të gjitha testet mjekësore CSAC për luftëtarët mbi 40 vjeç, si dhe rregulloret e urgjencës së CSAC që janë vendosur në vend për të ngadalësuar përhapjen e COVID-19”. /Lajmi.net/