Zyra e Rregullatorit për Energji Elektrike është duke zhvilluar një takim me mediat.

Ky takim si fillim u kërkua të jetë i mbyllur për “xhirime”, saktësisht që kamerat mos të xhirojnë takimit.

Kësisoj takimi po zhvillohet në mes anëtarëve të ZRRE-së dhe gazetarëve.

E në këtë takim po diskutohet për çështjen kryesore, pra paralajmërimet për ngritjen e çmimit të energjisë elektrike.

Në një tabelë të bërë publike në këtë takim janë bërë të ditura informatat se kush ka dërguar komente sa i përket paralajmërimeve për ngritjen e çmimit.

Numrin më të madh të komenteve, saktësisht 396 e kanë dërguar qytetarët, 8 organizatat joqeveritare, 4 nga bizneset, një deputet, Ministria e Ekonomisë si dhe Presidenca, transmeton lajmi.net.

Përgjatë këtij takimi pritet që të adresohen çështjet me interes të përbashkët, që sipas ZRRE-së do të jenë mundësi për shkëmbimin e mendimeve dhe thellimin e kuptimit mbi rëndësinë dhe ndikimin e këtij procesi.

Në lidhje me paralajmërimet për shtrenjtimin e energjisë-eklektike të shtunën në Prishtinë u mbajt një protestë. E një organizim i ngjashëm pritet të mbahet edhe këtë të premte ku qytetarët do të kenë mundësinë që të protestojnë e të kundërshtojnë paralajmërimet për ngritje të çmimit të faturave të rrymës./Lajmi.net/