Erion Kajtazi është konsideruar një ndër futbollistët më premtues në Kosovë.

Kajtazi ka ndërruar jetë më 3 dhjetor të vitit të kaluar, kur ra pa vetëdije në fushë gjatë ndeshjes A&N – Trepça ’89, në kuadër të Superligës së Juniorëve.

Për nderë të tij është përuruar edhe një shtatorja në vendlindje Mitrovicë.

Kjo shtatore është ngritur më 3 dhjetor të këtij viti në njëvjetorin e ndarjes së tij nga jeta.

Lajmi.net ka folur me trajnerët dhe bashkëlojtarët, të cilët mes emocionesh kanë përkujtuar futbollistin e talentuar kosovar.

Ish-bashkëlojtari, Leor Çitaku, i emocionuar e me lot në sy, ka folur për Kajtazin.

“Eri gjithmonë ka qenë një shembull, jo vetëm për mua, por për të gjithë. Për atë arsye kujtohet gjithmonë si person i mirë. Eri ka qenë një superlojtarë dhe golat e tij kanë qenë gjithmonë shumë të bukur. Më mungon gjithçka. Buzëqeshja, loja që e ka bërë”, tha ai.

Intervistën e plotë mund ta ndiqni në videon më poshtë. /Lajmi.net/