Gurët, gjësendet tjera të forta dhe mbetjet e gëzhojave të gazit lotsjellës që shkëmbyen demonstruesit me policinë, janë hequr natën nga punëtorët e kompanive të pastrimit të angazhuara në Komuna.

Por përveç dëmeve në sheshe, shkuljen e pllakave, demonstruesit në ikje e sipër kanë dëmtuar edhe veturat private, por për këto dëme zyrtarët komunalë kanë njoftuar se nuk do të ketë kompensim.

Protesta e djeshme e organizuar nga Lëvizja Vetëvendosje, e përkrahur edhe nga Aleanca për Ardhmërinë e Kosovës dhe Nisma për Kosovën, pak minuta pas nisjes, në orën 12:00, eskaloi në dhunë mes demonstruesve dhe policisë, e cila përfundoi në orët e mbrëmjes me mbi 100 të arrestuar dhe dhjetëra të lënduar nga të dyja anët. /lajmi.net/