Shefi i Dortmundit, Waztke: Haaland duhet të bëhet yll botëror që të transferohet të Reali
Shefi i Borussia Dortmundit, Hans Watzke e ka këshilluar sulmuesin Erling Haaland të qëndrojë derisa sa të bëhet yll botëror, pastaj t'i bashkohet ndonjë gjiganti evropian.
Sport
Norvegjezi është duke shkëlqyer me Dortmundin, derisa kërkohet nga top klubet evropiane, transmeton lajmi.net.
Watzke tha se ka këshillën e njëjtë siç kishte për sulmuesin e Bayernit, Robert Lewandowski, pra të jetë i duruar dhe të qëndrojë derisa të bëhet yll botëror.
“Nuk mendoj se Haaland do largohet në verën e ardhshme, këshilla ime për Haaland është të bëjë siç bëri Lewandowski, të jetë i duruar dhe të qëndrojë me ne derisa të bëhet yll botëror”.
“Për të shkuar të Real Madridi, duhet të jesh yll botëror”, tha ai.
Vlera e Haaland është rritur në 100 milionë euro, por në vitin 2022 skuadrat evropiane kanë të drejtë të aktivizojnë klauzolën e blerjes për 75 milionë euro./Lajmi.net/