Mirëpo, zëdhënësi Josh Earnest ka thënë se Washingtoni, i cili ka kërcënuar Moskën me sanksione të mëtejshme, dëshiron të shohë prova të qarta të ndryshimit të sjelljes së Rusisë.

Putin ka kërkuar sot nga Këshilli i Federatës që të tërheqë autorizimin që ka dhënë për ndërhyrje të forcave ushtarake ruse në Ukrainë.

Agjencia Interfax citon një senator të lartë rus të ketë thënë se rezoluta do të tërhiqet më 25 qershor.

Zëdhënësi i Putinit, Dmitry Peskov ka thënë se kërkesa është bërë me qëllim të normalizimit të atmosferës dhe zgjidhjes së situatës në rajonet lindore të Ukrainës.