Shaw: Solskjaer është trajner brilant
Luke Shaw konsideron se trajneri i përkohshëm i Manchester United, Ole Gunnar Solskjaer ka bërë një punë të shkëlqyer dhe ka provuar vetën si trajner brilant.
Sport
Norvegjezit iu besua stoli i ‘djajve të kuq’ pas formës së dobët të skuadrës, kur në krye të skuadrës ishte Jose Mourinho.
Shkarkimi i portugezit e gjeti Solskjaer në krye të stolit të United, dhe që atëherë skuadra ka ndërruar fytyrë.
“Është e mahnitshme të shohësh se çfarë pune ka bërë Ole që kur erdhi këtu. Mënyra se si ai ka shndërruar skuadrën është fantastike” ka thënë lojtari për ‘MUTV’, transmeton lajmi.net.
“Ai e di se sa të mirë mund të jemi, dhe nëse nuk jemi në standardet e tij apo të Man Utd ai të lë ta kuptosh” ka thënë ndër të tjerash mbrojtësi i majtë.
Gjithë këto lëvdata për trajnerin e tij, Luke Shaw i ka dhënë në prag të ndeshjes që skuadra e tij e luan kundër Liverpool. /Lajmi.net/