Moderatorja e njohur Einxhel Shkira e ftuar në një intervistë ka zbuluar se ka marr ftesë për të qenë opinioniste në ‘Big Brother VIP Albania 3’.

Einxhel ka treguar se për shkak të ardhjes në jetë të djalit të saj, ajo e ka refuzuar ofertën dhe ka zgjedhur lumturinë para karrierës, shkruan lajmi.net.

“Kisha shumë pak ditë që kisha sjellë Trevin ne jetë dhe nuk doja t’ia hiqja vetes mundësinë të përjetoja ditët e para të mëmësisë. Mu desh të zgjidhja lumturinë para karrierës”, ka thënë Einxhel.

Tutje ajo ka thënë që ‘BBVA’ i shkon shumë si format dhe më shaka është shprehur së do ta zëvendësonte Arbër Hajdarin.

Kujtojmë se moderatorja është në lidhje me Dj Dagz dhe kanë një djalë të quajtur Trevi./Lajmi.net/