Serie A shpall më të mirët, befasi në portë/ Spalletti trajneri i sezonit

Nesër zhvillohet edhe java e fundit në futbollin italian, Serie A, kurse sot janë zbuluar edhe më të mirët e këtij edicioni 2022/23. Trajneri më i mirë i këtij sezoni është zgjedhur, Luciano Spalletti, i cili ia doli që me Napolin të shpallen kampion, shkruan Lajmi.net Mesfushori më i mirë u shpall lojtari i Interit,…

Sport

02/06/2023 17:56

Nesër zhvillohet edhe java e fundit në futbollin italian, Serie A, kurse sot janë zbuluar edhe më të mirët e këtij edicioni 2022/23.

Trajneri më i mirë i këtij sezoni është zgjedhur, Luciano Spalletti, i cili ia doli që me Napolin të shpallen kampion, shkruan Lajmi.net

Mesfushori më i mirë u shpall lojtari i Interit, Nicolo Barella – i cili luajti një rol të madh për ekipin e tij.

E habitshme, por e vërtetë. Nuk është as Maignan i Milanit dhe as Onana i Interit, por portieri më i mirë i sezonit 2022/2023 në Serie A është shpallur ai i Lazios, Ivan Provedel.

Kurse Victor Osimhen është shpallur sulmuesi më i mirë i sezonit në Serie A.

Bomberi nigerian ka qenë i mahnitshëm këtë sezon me fanellën e napolitanëve. Në 38 ndeshje të luajtura në total, Victor Osimhen ka shënuar 30 gola dhe ka asistuar 5 herë.

Serie A gjithashtu shpalli edhe mbrojtësin më të mirë të sezonit.

Min jae Kim i Napoli ka marrë çmimin prestigjoz siç është zakon nga Serie A. Paraqitja fantastike e tij me Napolin dhe fitimi i Scudettos, kanë bërë që Kim të marrë shumë pikë nga vlerësimet dhe të cilësohet si më i miri i sezonit 2022/20223./Lajmi.net/