Në televizionet amerikane dhe ato angleze, viteve të fundit po shfaqen seriale më të mira të bëra ndonjëherë.

Çdo vit, kualiteti i skenarit dhe aktrimit po rritet me të madhe ndërsa momentalish janë duke u shfaqur edhe seri që po bëjnë historinë, shkruan lajmi.net.

Më poshtë i keni disa nga serialet më të vlerësuara vitet e fundit, episodet e të cilëve mund t’i gjeni edhe me titra shqip.

Breaking Bad (5 sezona – 62 episode) – Me një finale perfekte të shfaqur në vitin 2013, ‘Breaking Bad’ po cilësohet si serali më i mirë, jo vetëm i viteve të fundit, por i të gjitha kohëve. Ai tregon për një profesor të kimisë, i cili fillon të prodhojë drogën më të pastër në vend, nga e cila bëhet shumë i pasur.

Game of Thrones (5 sezona – 50 episode) – Fansat e serialit po presin fillimin e sezonit të gjashtë dhe momentalisht është seriali më i shikuar. Seriali tregon historinë e shtatë familjeve, të cilët luftojnë për fronin e mbretërisë pas vdekjes së mbretit.

Sherlock (3 sezona – 10 episode) – Është serial britanik i realizuar nga BBC, bazuar në personazhin Sherlock Holmes, i cili me një mendje briliante zgjedh krimet në vend, bashkë me mikun e tij Dr. Watson.

Prison Break (4 sezona – 79 episode)– Është një serial shumë i pëlqyer nga ata që e kanë shikuar dhe gjithmonë rekomandohet nga të gjithë. Michael Scoffield është një arkitekt shumë i mençur, i cili hyn në burg për të shpëtuar vëllain e tij nga dënimi për vdekje.

Daredevil (2 sezone – 26 episode) – Nëse ju pëlqejnë superheronjtë dhe filmat me tam ky serial i realizuar nga Netflix dhe Marvel’ është zgjedhje përsosur. Skenat e luftimeve janë aq të vërteta saqë ndonjëherë ju bën që të largoni sytë duke mos duruar të shikoni personazhet duke u përleshur. (Nga universi i DC, ja vlen të shikohet ‘Gotham’, ku prezantohen personazhet negative nga koha kur Batman ka qenë vetëm fëmijë).

House of Cards (4 sezona – 53 episode) – Edhe një nga serialet më të suksesshme të Netflix nuk ka si të mos jetë në këtë listë, sidomos i rekomanduar shumë për përcjellësit e politikës. Frank Underwood është personazhi i cili bën dredhitë e panumërta për të arritur në pozitat më të larta në politikën amerikane.