Juliana Nura, ish-banorja e njohur e Big Brother VIP Kosova, ka reaguar publikisht pas ndeshjes Serbi–Shqipëri, ku ajo nuk mori pjesë për arsye sigurie.

Përmes një postimi në rrjetet sociale, Juliana ka zbuluar se autoritetet serbe kanë lëshuar urdhër arresti ndaj saj dhe tre personave të tjerë, çka e ka detyruar të qëndrojë larg stadiumit.
“Serbia ka lëshuar urdhër arresti ndaj meje dhe tre personave të tjerë, ndaj ndikimi im nga burgu nuk do të kishte qenë në favor të askujt (veç serbëve).

Për këtë arsye vendosa të festoj dhe të gëzoj fitoren nga liria”, – ka shkruar ajo me tone ironike në postimin e saj.

Modelja theksoi gjithashtu se, pavarësisht rrethanave, roli i saj në mediet e rajonit është bërë gjithnjë e më i rëndësishëm.

“Me punën time mediatike jam bërë faktor edhe më i madh për mediet e Ballkanit”, – shtoi ajo, duke lënë të kuptohet se ndikimi i saj shkon përtej kufijve.
Reagimi i saj ka marrë vëmendje në rrjet, sidomos mes ndjekësve të saj shqiptarë, të cilët e kanë përgëzuar për qëndrimin e saj të hapur dhe ironik ndaj situatës.