Ylli i Bournemouth, Antoine Semenyo, synon që transferimi i tij te Manchester City të përfundojë deri më 1 janar, sipas raportimeve të BBC Sport nga Sami Mokbel.

Semenyo është në radar të disa klubeve të Premier League, por vetë lojtari ka shprehur dëshirën e tij për t’u bashkuar me City, duke pasur ambicien të luajë nën drejtimin e Pep Guardiola dhe të konkurrojë për trofetë më të mëdhenj në Etihad Stadium, transmeton lajmi.net.

Bournemouth mund të dëshirojë që Semenyo të marrë pjesë në ndeshjet kundër Arsenal dhe Tottenham gjatë javës së parë të janarit, por ylli ganez preferon të kryejë transferimin sa më shpejt të jetë e mundur.

Negociatat pritet të fillojnë zyrtarisht brenda 48 orëve të ardhshme, me shpresën që marrëveshja të mbyllet para fillimit të vitit të ri./lajmi.net/