Mbrëmjen e sotme, ajo që njihet si “treni i satelitëve” të kompanisë amerikane SpaceX, që njihen si Starlink, kanë përshkuar qiellin e Kosovës.

Në redaksinë e lajmi.net, janë dërguar pamjet që qytetarët i kanë kapur në qiellin e Kosovës me satelitët e njëpasnjëshëm.

Pamjet që do t’i shihni më poshtë janë shkrepur nga Fushë Kosova, shkruan lajmi.net.

Ndërkaq Autoriteti Rregullator i Komunikimeve Elektronike dhe Postare (ARKEP) në Kosovë pati konfirmuar kohë më parë se shërbimet satelitore të kësaj kompanie do të funksionalizohen në dhjetorin e vitit të kaluar në vendin tonë.

Starlink është kompani që ofron internet satelitor në mbi 100 shtete dhe territore dhe zotërohet prej kompanisë hapësinore amerikane, SpaceX, të miliarderit Elon Musk. /Lajmi.net/