Rrëfehet Guardiola, tregon se cilën humbje e ka përjetuar më së rëndi
Pep Guardiola ka treguar humbjen më të vështirë që ka përjetuar gjatë karrierës së tij si trajner.
Sport
Edhe pse ka pasur disa humbje të hidhura me Manchester Cityn këtë sezon, spanjolli veçon disfatën e pësuar nga Real Madridi sa drejtonte Bayernin në gjysëmfinalen e Ligës së Kampionëve.
Në një intervistë me youtuberin spanjoll DjMariio ai tha: ‘’Humbja më e vështirë? Ajo kundër Real Madridit 0-4. Sepse nuk dija se ç’po bëja, nuk po planifikoja se po luaja kundër Real Madridit të cilët kishin një super skuadër në atë kohë’’.
Humbja ndaj Los Blancos i kushtoi me eliminimin e tij nga gjysëmfinalja e Ligës së Kampionëve.
Disfata mori përmasa të dyfishta pasiqë Bayerni konsiderohej favorit për fitimin e këtij kompeticioni, detaj ky që rëndoi edhe më shumë në supet e 49-vjeçarit. /Lajmi.net/