Reprezentuesi i Kolumbisë, James Rodriguez është deri më tani futbollisti më i mirë i Kampionatit botëror.

Me lojërat e tij fantastike dhe gjashtë golat e realizuar, ai udhëhoqi Kombëtaren e tij deri në çerekfinale të garës ku u mposhtën nga nikoqiri Brazili, me rezultat 2:1.

Pavarësisht shkëlqimit të tij dhe Kolumbisë, Rodriguez qau pas duelit me Brazilit, mirëpo atij i është rikthyer buzëqeshja.

Ylli i Monacos ka uruar bashkëlojtarin e tij Sergio Romero, portier i Argjentinës, i cili priti dy penallti në fitoren e Gauçosëve me rezultat 4:2 pas penalltive ndaj Holandës, që ua siguroi kualifikimin në finalen e Kampionatit botëror.

“Sa mirë shok, e di se keni luftuar dhe u shfaqët me durim për të arritur deri këtu. Grande”, shkroi Rodriguez në Twitter.