Skuadra e Prishtinës ka arritur të marrë një rezultat të favorshëm në ndeshjen e parë kundër Larne FC në kuadër të raundit të dytë të Conference League, duke barazuar 0:0 në udhëtim në Irlandën Veriore.

Kjo përballje, e zhvilluar në një atmosferë të zjarrtë në shtëpinë e Larne, tregoi forcën dhe organizimin mbrojtës të ekipit kryeqytetas, që arriti të ruajë portën e paprekur — një arritje shumë e rëndësishme në garat evropiane, transmeton lajmi.net

Me këtë barazim, Prishtina mban gjallë të gjitha shpresat për kualifikim, pasi gjithçka do të vendoset javën e ardhshme në stadiumin “Fadil Vokrri”, përpara tifozëve të zjarrtë bardhekaltër.

Një fitore minimale në Prishtinë do të ishte e mjaftueshme për ta çuar ekipin më tej në aventurën evropiane.

Ndeshja e kthimit zhvillohet pas një jave në Prishtinë, ku bardhekaltërit do të kërkojnë të bëjnë hapin vendimtar drejt kalimit në raundin tjetër./lajmi.net/