Real Madridi ka shënuar fitoren e radhës në La Liga.

“Los Blancos” triumfuan 0:2 në udhëtim ndaj Valladolidit, në kuadër të javës së 21-të në elitën e futbollit spanjoll.

Kylian Mbappe ishte ylli i mbrëmjes me dy gola të shënuar. Në minutën e 30-të, francezi u asistua bukur nga Bellingham për epërsinë fillestare të madrilenëve. E në të 57-tën, Mbappe u asistua nga Rodrygo për 0:2.

Krejt në fund, Mbappe e kompletoi hat-trikun, pasi e shndërroi në gol penalltinë e minutës së fundit të ndeshjes.Me këtë fitore, Real Madridi shkon në kuotën e 49 pikëve, katër më shumë se Atletico Madridi dhe 10 më shumë se Barcelona që ka një ndeshje më pak të luajtur.

Në anën tjetër, Valladolidi mbetet i fundit në tabelë me 15 pikë gjithsej.