Legjenda e Interit, Javier Zanetti është gjendur në një situatë aspak të lehtë gjatë ditës.

Një tifoz i ri iu afrua te vetura që ai po voziste duke thënë “Forca Milan” në praninë e tij, shkruan lajmi.net.

Tifozi që duket i ri në moshë shihet pran veturës së Zanettit, me këtë fundit që mendoi se i riu po bënte fotografi me të.

Në atë moment, i riu ngriti gishtin tregues lart dhe tha “Forca Milan”, duke përmendur klubin rival dhe të përbetuar të Interit.

Zanetti mbeti i shtangur nga fjalët e tifozit. Pamjet janë shpërndarë gjithandej në rrjetet sociale.

When you say “Forza Milan” to Javier Zanetti. ? pic.twitter.com/FAF86N9Slv

— Football Tweet ⚽ (@Football__Tweet) April 11, 2023

Javier Zanetti, tani 49-vjeçar, ishte një legjend e Interit. Argjentinasi ishte pjesë e klubit italian nga viti 1995 deri në vitin 2014 kur edhe u pensionua. /Lajmi.net/