Pulisic nuk ka gjasa të paraqitet për Chelsea në Kupën Carabao të mërkurën pasi ai vazhdon të rehabilitojë një dëmtim të kyçit të këmbës, ka konfirmuar menaxheri Thomas Tuchel.

Tuchel u pyet për yllin e kombëtares amerikane, i cili pësoi dëmtimin e tij në kualifikueset e Kupës së Botës në fillim të këtij muaji, pasi ‘Blutë’ mposhtën Tottenhamin 3-0 të dielën.

Për shkak se Pulisic nuk ka marrë pjesë ende në stërvitje, konsiderohet i dyshimtë që ai të jetë në dispozicion para fundjavës së ardhshme, më herët.

“Ndeshja kundër Aston Villa është ndoshta shumë herët, shpresoj se e kam gabim,” u tha Tuchel gazetarëve.

“Kjo është përshtypja ime me të. Nuk ka qenë në stërvitje deri tani. Le të shohim nesër. Ndoshta ai kishte një përparim të mirë sot. Ndoshta është e mundur.

“Do të ishte shumë mirë ta kishim atë, por është e dyshimtë.”

Sulmuesi u detyrua të dilte në pjesën e dytë të kualifikueses më 8 shtator kundër Hondurasit. 

Skuadra e Chelseat është e mbushur me sulmues të cilësisë së lartë, kështu që një vend në ekipin e parë do të ishte gjithmonë i vështirë për tu arritur për Pulisic.

Ai shënoi në paraqitjen e tij të vetme në Ligën Premier këtë vit, por ‘Blutë’ kanë pasur paraqitje mbresëlënëse deri më tani, duke mos e ndier mungesën e amerikanit. 

Kupa Carabao do të kishte qenë një mundësi ideale për t’u riintegruar në grup, por duket se atij tani do t’i duhet të presë edhe pak kohë për t’u rikthyer. /Lajmi.net