PSG vazhdon interesimin për Hakimin

13:06 | 1 Qershor 2021

 Paris Saint-Germain ka vazhduar kontaktet me Interin për futbollistin Achraf Hakimi.

PSG janë ende duke punuar që të nënshkruajnë me Hakimin, njofton Fabrizio Romano.

Klubi parisien duhet të rrisë ofertën për marokenin, pasi oferta e fundit prej 60 milionë euro është refuzuar nga drejtuesit e Interit, të cilët kërkojnë të paktën 80 milionë euro për Hakimin, transmeton lajmi.net.

Interesim për 22- vjeçarin ka shprehur edhe Chelsea, por për momentin Parisi po udhëheq garën për të nënshkruar me futbollistin e talentuar të Interit. /Lajmi.net/