PSG fiton kundër Brest – vazhdon forma e lartë e Di Maria
Paris Saint Germain ka vazhduar me fitore, duke mposhtur Brest.
Sport
Në kuadër të xhiros së 13-të në Ligue 1, PSG ka marrë tri pikë, duke fituar 1:2 ndaj skuadrës së Brest, shkruan lajmi.net.
Kampionët e Ligue 1 e gjetën vetën në epërsi pas golit të shënuar në minutën e 39’, nga argjentinasi Angel Di Maria.
Me këtë gol, Di Maria tashmë numëron tetë gola dhe nëntë asistime këtë edicion me PSG.
Epërsia e parisienëve u shkri në minutën e 72’, kur Samuel Grandsir dërgoi topin në rrjetën e kampionëve.
Golin e fitores për PSG e realizoi Mauro Icardi, pesë minuta pasi erdhi në fushë (85’), duke vendosur rezultatin final 1:2.
Me këtë fitore PSG numëron 30 pikë, në pozitën e parë në tabelë, kurse Brest ka 17 pikë në pozitën e 9 me 17 pikë. /Lajmi.net/