Zlatan Ibrahimovic udhëhoqi Paris Saint-Germainin drejt fitores 4-0 ndaj Bastias në kuadër të xhiros së 10-të në Ligue 1.

Ylli suedez përveç se shënoi dy gola në këtë përballje, njëri prej tyre ishte vërtetë magjik, edhe pse i pritur prej tij duke pasur se nuk është hera e parë që Ibrahimovic realizon në mënyra të jashtëzakonshme.

Ibrahimovic realizoi dy gola të shpejtë në minutat 10 dhe 13, kurse dy shënimet e tjera për PSG-n i realizoi përforcimi i ri Edinson Cavani.

Me këtë fitore, skuadra nga Parc des Princes u ngjit në kuotën e 24 pikëve, tri më tepër se rivali Monaco, që të dielën ndeshet me Sochaux.