Profesori Bruce Loebs, i cili ka ligjëruar një klasë të quajtur Retorika e Hitlerit dhe Churchillit për 46 vjetët e fundit në Universitetin e Idahos, thotë se meritat e suksesit të oratorisë së Hitlerit i takojnë karizmës së tij.

“Ai kishte mësuar se si të jetë një folës karizmatik, dhe njerëzit, për çfarë do arsye, dashuroheshin në fjalët e tij,” thotë Loebs për Business Insider, transmeton lajmi.net.

“Njerëzit ishin të gatshëm ti ndiqnin fjalët e tij, pasi që ai dukej se i kishte përgjigjet e duhura në atë kohë krize ekonomike”, ka shtuar ai.

Të rrënuar dhe dëshpëruar me situatat ekonomike pas Luftës së Parë Botërore, ambienti ekonomik i Gjermanisë e kishte mbështetur ngritjen e Hitlerit në vitet e 1930-ta.

Hitleri kishte shfrytëzuar këtë mundësi dhe e kishte krijuar një ideologji partiake.

Zona politike e Hitlerit

Para se partia Naziste të njihej botërisht, kjo parti e Hitlerit ishte shumë e panjohur, duke fituar vetëm 3% të votave në zgjedhjet e Gjermanisë të vitit 1924.

“Kur Hitleri kishte vendosur të konkurronte në Reichstag, apo në parlamentin Gjerman, ai e dinte se kjo do të thoshte se ai do të mbante fjalime dhe do të duhej të fliste me aq shumë njerëz sa ishte e mundur për ti fituar votat e tyre”, ka thënë Loebs për Business Insider, raporton lajmi.net.

8 vite më vonë, Nazistët ishin partia më e madhe në Reichstag.

Nga viti 1934, Hitleri dhe agjenda e tij politike ishin duke e udhëhequr qeverinë Gjermane.

Siç shkruan edhe historiani Robert waite: “Hitleri ishte njeri i rrallë. Pasi që rrallë herë ndodhë që në civilizimin perëndimor një njeri të ndikoj aq shumë. Ai e kishte krijuar teorinë e tij politike dhe një qeveri e cila nuk do të mund të ekzistonte pa të”.

Procesi i shkrimit të fjalimeve të Hitlerit

Joseph Goebbels, ministri i propagandës Naziste, kishte shkruar në ditarin e tij se Hitleri i shkruante vetë fjalimet e tij dhe i modifikonte deri në 5 herë.

“Ai thjeshtë nuk donte të ia besonte askujt shkrimet e tij”, thotë Loebs.

“Për Adolf Hitlerin, të folurit në publik ishte aq e rëndësishme sa që ai kurrë nuk i ka besuar dikujt tjetër të ja shkruante fjalimet e tij”, ka shtuar ai.

Loebs gjithashtu ka cekur se edhe Winston Churchill kishte preferuar ti shkruante fjalimet e tij vet, që është diçka e rrallë tek liderët e asaj kohe (por edhe të liderëve të kohëve të sotit).

Zëri i Hitlerit ishte hipnotik

Në librin e Ron Rosenbaum të quajtur ‘Shpjegimi i Hitlerit’, novelisti Francez-Amerikan, George steiner, e përshkruan liderin Nazist si një zë tejet të fuqishëm dhe bindës.

“Unë kam lindur në vitin 1929, pra që nga vitet e 33-ta, unë e mbaj mend veten të ulur në kuzhinë dhe duke e dëgjuar zërin e Hitlerit në radio’, thotë Steiner.

“Është një gjë e vështirë për ta përshkruaj por zëri i tij ishte hipnotik… Gjëja më e mahnitshme është se ti thuajse e ndjeje edhe trupin duke dalë nga radio. Ti thjeshtë i ndjen gjestet e tij. Dhe që Hitleri ishte një gjeni për këtë punë, këtu nuk ka asnjë dyshim”, ka shtuar ai.

https://soundcloud.com/ww2historya/hitler-speech-to-ss

Më tej, psikologu Amerikan Henry Murray, e përshkruan prezencën e Hitlerit si ‘hipnotike’ në raportin e tij prej 229 faqesh që ishte dërguar në Zyrën e Shërbimeve Strategjike, pararendës i CIA-së.

Sipas raportit të Murray, Hitleri kishte marrë shpesh komplimente për sytë e tij edhe pse ata ishin përshkruar si “të vdekur, padukshëm, papërcaktuar”.

Hitleri ishte më i vogël se gjatësia mesatare dhe e kishte një stil të flokëve të çuditshëm, buzë të holla, dhe duart i kishte të formuara mirë.

Murray ka cekur se lideri i pamëshirshëm Nazist ishte njohur për shtrëngim duarsh të dobët.

‘Ai është dashur ti shtoj gjallëri gjuhës së tij’

Hitler ishte marrë gjatë gjithë kohës me gjestet e tij të duarve dhe gjuhën e trupit gjatë kohës kur ai i praktikonte fjalimet e tij.

“Ai absolutisht duhej që të merrej me prezantimin e tij pasi që ajo ishte gjysma e mesazhit,” ka thënë Loebs për Business Insider, transmeton lajmi.net.

“Ai ka shtuar një gjallëri gjuhës së tij vetëm për ti përçuar me sukses idetë e tija”, ka shtuar ai.

Fotografi personal i Hitlerit, Heinrich Hoffmann, ka bërë rreth 2 milion fotografi të liderit luftarak dhe është këshilluar që asnjëherë të mos i bëjë ato publike për njerëzit, bazuar në biografinë që e kishte përgatitur ai, ‘Hitleri ishte shoku im”.

Në vitin 1925, Hoffman kishte bërë disa foto të shprehjes së fytyrës së Hitlerit dhe gjesteve të tij përderisa i praktikonte fjalimet në pasqyre.

Pasi që i studionte fotografitë, lideri Nazist urdhëronte që ato të shkatërroheshin.

Por në mënyrë të fshehtë Hoffman i kishte ruajtur fotot dhe i ka bërë ato publike 30 vite më vonë.

“Hoffman na ka dhuruar atë që nuk ka mundur ta bëjë asnjë fotograf tjetër në botë, ai na ka dhuruar një akses ekskluziv e intim për ta parë një pjesë tjetër të Hitlerit’, ka thënë historiani Roger Moorhouse në një artikull.

Perandoria e Hitlerit kishte përfunduar zyrtarisht me 30 prill të vitit 1945, ku Hitleri kishte bërë vetëvrasje në bunkerin e tij bashkë me gruan e tij pasi që kishin mësuar se forcat Aleate e kishin rrethuar Berlinin. /Lajmi.net