Prokuroria Themelore në Prishtinë dhe Policia e Kosovës ka njoftuar se ka ndaluar dhjetë persona të dyshuar, në mesin e tyre edhe edhe shtetas të Republikës së Shqipërisë, për shpërthimin e ndodhur më datë 30.04.2025 në parkingun e QKUK-së në Prishtinë, ku kishte ndodhur një shpërthim në një veturë të tipit Mercedes B-Class, pronë e drejtorit të QKUK-së.

Prokuroria përmes një komunikate për media ka bërë të ditur se kjo ndodhi gjatë një aksioni të zhvilluar ku është realizuar një bastisje dhe kontroll në fshatin Rimanishtë të Komunës së Prishtinës.

Ata dyshohen për kryerjen e dy veprave penale: ‘’Prodhimi dhe përpunimi I paautorizuar I narkotikëve, substancave psikotrope, analoge apo veglave, paisijeve apo matrialeve narkotike’’, nga neni 268 te Kodit Penal te Republikës së Kosovës, si dhe ‘’Mbajtja në pronësi, kontroll ose posedim të paautorizuar të armëve’’,

Me këtë rast, nga vendi i ngjarjes janë sekuestruar një (1) sasi e konsiderueshme e substancave psikotrope narkotike, armë zjarri, si dhe prova të tjera matriale, të cilat do të përdoren në procedurën hetimore.