Një reagim i shpejtë i Policisë së Kosovës në Gjilan ka parandaluar një sulm të mundshëm me thikë, duke shmangur pasoja të rënda fizike për viktimën.

Ngjarja ka ndodhur mbrëmjen e 23 korrikut 2025, rreth orës 22:45, në rrugën “Esat Berisha” në Gjilan, transmeton lajmi.net

Sipas raportit zyrtar, një person i dyshuar, mashkull kosovar, pas një mosmarrëveshjeje, ka tentuar ta sulmojë fizikisht një tjetër person me mjet të mprehtë – thikë.

Falë ndërhyrjes së menjëhershme të një zyrtari policor në vendin e ngjarjes, i dyshuari nuk ka arritur ta godasë viktimën dhe nuk ka pasur persona të lënduar.

Policia ka arrestuar të dyshuarin në vendngjarje, ndërsa pas intervistimit, me vendim të prokurorit, ai është dërguar në mbajtje.

Ky rast thekson edhe një herë rëndësinë e pranisë aktive të policisë në komunitet dhe gatishmërinë e saj për të reaguar shpejt në situata të rrezikshme, duke parandaluar incidente të mundshme me pasoja serioze./lajmi.net/